Habil Yaşar Zəngimi gözləmə şeri və zəngimseli

Zəngimi gözləmə.

Bir də telefonun çalmayacaqdır,
Mən zəng etməyəcəm bir daha sənə.
Dəstəyin gözləyib ağlayacaqdır,
Həsrət qalacaqdır mənim səsimə.

Nömrəni yadından çıxarmasam da,
Silib ürəyindən mən atacağam.
Nə vaxt telefona yaxınlaşanda,
Özgə birisinə zəng vuracağam.

Hər dəfə telefon zəngi çalanda,
İnamla dəstəyi götürəcəksən.
Ümidin məhv olub, boşa çıxanda,
Dərindən köksünü ötürəcəksən.

Qəzəblə dəstəyi yerə ataraq,
Hönkürə-hönkürə ağlayacaqsan.
Dərin fikirlərə, qəmə bataraq,
Üz tutub Allaha yalvaracaqsan.

Düşmən kəsiləcək telefon sənə,
Əlinə almağa çəkinəcəksən.
“Allah kərim” deyib dəstəyi yenə,
Bəlkə də inamla götürəcəksən.

Bir daha zəngimi gözləmə bəsdi,
Mən zəng etməyəcəm bir daha sənə.
Bütün təsəllilər bil ki, əbəsdi,
Yazıqsan, rəhm elə özün-özünə.

2002 Habil Yaşar ...

Bu şerin zəngimcel kodları :
zengim.az 6070--106818
megaArt.az 6070--725641a