Опубликовано:
Azərbaycan Ordusunun bölmələri Laçın şəhərinə daxil olub
Korpus komandiri General-mayor K.Seyidov Laçın şəhərindən məruzə edib.
Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin tapşırığına əsasən Laçın şəhəri, eləcə də Zabux və Sus yaşayış məntəqələri Azərbaycan Ordusunun bölmələri tərəfindən tam nəzarətə götürülüb.
Hazırda qeyd olunan ərazilərdə bölmələrimizin yeni dislokasiya məntəqələrinə yerləşdirilməsi, həmçinin zəruri mühəndis işlərinin görülməsi istiqamətində fəaliyyətlər davam etdirilir.
Azərbaycan Respublikası Müdafiə Nazirliyi (26.08.2022)
