Опубликовано:
Universiadada mübarizəyə 1/16 finaldan yarışa başlayan Rəsul Çunayev alman Toni Stade üzərində (7:0) inamlı qələbə qazanıb. Növbəti mərhələdə polşalı Griqorz Vankeni (8:0) məğlub edən Rəsul 1/4 finala yüksəlib. Bu mərhələdə güləşçimiz Türkiyə təmsilçisi Muhammet Kocatinazla qarşılaşıb və (6:0) tam üstünlüklə qalib gəlib. Yarımfinalda Rəsul Çunayev iranlı Afşin Byabanqardı (7:1) mübarizədən kənarlaşdırıb. Finalda Rəsul Çunayev Rusiya güləşçisi, Olimpiya çempionu İslambek Albiyev üzərində 32 saniyə ərzində inamlı (8:0) qələbə qazanıb və qızıl medala sahib olub.
